கிருஷ்ண பரமாத்மாவின் ஜெனனம் ..!!
எப்போதெல்லாம் தர்மம் அழிந்து அதர்மம் தலை தூக்கும் போது நான் பூமியில் பிறந்து தர்மத்தை நிலை நாட்டுவேன் என்று கிருஷ்ண பரமாத்மா பகவத் கீதையில் கூறியுள்ளார்.
கிருஷ்ண ஜெயந்தி ஆவணி மாதம் சுக்ல பட்ச அஷ்டமி திதியில், நள்ளிரவு 12 மணிக்கு அவதரித்தார்.
அவர் அவதரித்த அந்த தினத்தை கிருஷ்ண ஜெயந்தி, கோகுலாஷ்டமி என கொண்டாடுகின்றோம்.
கிருஷ்ணர் ஏன் வசுதேவர் மற்றும் தேவகிக்கு மகனாக பிறந்தார் !!
கடவுள் நமக்கு மகனாக பிறக்கவும் புண்ணியம் செய்திருக்க வேண்டும் என கூறுவதுண்டு.
அப்படியே பகவான் கிருஷ்ணர் வசுதேவர் மற்றும் தேவகிக்கு மூன்றாவது முறையாக மகனாக பிறந்தார் என்றால் அவர்கள் எவ்வளவு புண்ணியம் செய்திருக்க வேண்டும்.
ஆம் பகவான் கிருஷ்ணர் மூன்றாவது முறையாக வசுதேவர் - தேவகி தம்பதிக்கு மகனாக அவதரித்தார்.
ஒவ்வொரு பிறவியிலும் ஒவ்வொரு பெயரில் இருந்த இந்த தம்பதிக்கு பகவானே பிள்ளையாக பிறந்துள்ளார்.
கிருஷ்ணரின் பிறப்பு:
கிருஷ்ணர் வசுதேவர் தேவகிக்கு எட்டாவது மகனாக பூமியில் அவதரித்தார்.
இந்த பூமியில் மனிதர்களின் பாவ மூட்டைகள் மலை கணக்கில் பெருகி போனதால் (தாவரங்கள், மிருகங்கள், தண்ணீர், காற்று மற்றும் அவர்களையே அழித்து வரும் மனிதர்களின் பாவங்கள் இதில் அடக்கம்), அதனை தாங்க முடியாத பூமா தேவி, நிலைமை மோசமாவதற்குள் விஷ்ணு பகவானின் உதவியை நாடினார்.
தேவாதி தேவர்களும் முனிவர்களும் ரிஷிகளும் பார்வதி பரமேஸ்வரன் நாரதர் என எல்லோரும் சேர்ந்து மஹாவிஷ்ணுவின் வைகுண்டம் சென்று முறையிட்டனர்.
அப்போது மஹாவிஷ்ணு பிறப்பு இறப்பு மற்றும் கர்மத்திற் கெல்லாம் அப்பாற்பட்ட வராய் நான் பூமியில் அவதாரம் செய்யும் நேரம் வந்துவிட்டது.
ஆதிசேஷன் பிரபு போன ஸ்ரீராம அவதாரத்தில் தங்களுடைய தமையனாக பிறக்கும் பாக்யம் பெற்றேன்.
இப்போது எடுக்கும் அவதாரத்தில் தங்களுடைய அண்ணனாக பிறக்கும் வாய்ப்பு கொடுங்கள் என்றார்.
சரி என்று மஹா விஷ்ணுவும் புன்னகைத்தார்.
இதுவே கிருஷ்ண பரமாத்மா அவதரிப்பதற்கு தூண்டுதலாக அமைந்தது.
கம்சன் என்ற வடிவில் தீய சக்தியாக வாழ்ந்து வந்தவன் மதுராவை ஆண்டு வந்த கொடுங்கோல் மன்னன்.
தீய சக்தியின் உச்சத்திற்கே சென்றது கம்சன் செய்த பாவங்கள்.
அப்போது கம்சனின் சகோதரியான தேவகியை வாசுதேவன் திருமணம் செய்யும் நாள் வந்தது.
திருமணம் இனிதே நடைபெற்றது.
தன் தங்கை மீது அளவற்ற அன்பு கொண்ட கம்சன் சந்தோஷமாக தானே தேரை ஓட்டினான்.
அப்போது, வானில் இருந்து அசரீரியாக 'வாசுதேவர் மற்றும் தேவகிக்கு பிறக்கும் எட்டாவது குழந்தையால் நீ கொல்லப்படுவாய் என்றது.
இதனை கேட்டு கோபத்தின் உச்சியை அடைந்த கம்சன் உடனடியாக தன் வாளை உருவி தங்கை என்று பாராமல் தேவகியை கொல்ல முற்பட்டான்.
இருப்பினும் தன் மனைவியின் உயிரை பறிக்க வேண்டாம் என வாசுதேவர் கேட்டுக் கொண்டதற்கு இணங்க, அவளை உயிருடன் விட்டு வைத்தான்.
அதற்கு பிரதிபலனாக தங்களுக்கு பிறக்கும் அனைத்து குழந்தைகளையும் கம்சனிடம் ஒப்படைத்து விடுவதாக அவன் வாக்களித்தான்.
இது நல்ல யோசனை என்று தேவகியையும் வசுதேவரையும் சிறையில் அடைத்து சித்ரவதை செய்தான்.இப்படியே அவர்களுக்குப் பிறந்த ஒவ்வொரு குழந்தையையும் கொன்று தனக்கு பகைவர்கள் இருக்கக் கூடாது என நினைத்தான்.7வது குழந்தையாக பலராமன் தேவகியின் வயிற்றில் இருந்தார்.
அப்போது விஷ்ணு பகவான் விஷ்ணுமாயா தேவியை அழைத்து, தேவகி வயிற்றில் இருக்கும் பலராமன் கருவை, கோகுலத்தில் வசிக்கும் நந்தகோபரின் மனைவியர்களில் ஒருவரான ரோகிணியின் கருவுக்குள் மாற்றம் செய்ய சொன்னார்.
மேலும் விஷ்ணுமாயா தேவியை யசோதையின் மற்றொரு கருவாக வளர சொன்னார்.
பலராமன் ரோகிணியின் கருவுக்குள்ளும், விஷ்ணுமாயதேவி யசோதையிடமும் கருவாக வளர்ந்து வந்தனர்.
தேவகிக்கு கிருஷ்ணர் எட்டாவது குழந்தையாக கருவில் வளர்ந்து வந்தார்.
ஆவணி மாதம் சுக்ல பட்ச அஷ்டமி திதியில் எட்டாவது குழந்தையாகக் ஆயிரம் சூரியனின் பிரகாசத்தைபோல் கிருஷ்ணர் பிறந்தார்.
அப்போது கிருஷ்ண பரமாத்மா மஹா விஷ்ணுவாக மாறி காட்சி அளித்தார்.
நீங்கள் சுதபா & பிருச்னி தம்பதியாக இருந்த போது 12 தேவ ஆண்டுகள் கடும் தவம் இருந்து என்னை நோக்கி தவமிருந்தீர்கள்.
அதன் பயனாக உங்களுக்கு காட்சி அளித்த நான் என்ன வரம் வேண்டும் என கேட்டேன்.
அதற்கு நீங்கள் பரமாத்மாவான நீங்கள் எங்களுக்கு குழந்தையாக பிறக்க வேண்டும் என கேட்டீர்கள்.
இப்போது நீங்கள் வசுதேவர் - தேவகியாக பிறப்பெடுத்துள்ள உங்களுக்குக் கிருஷ்ணராக நான் பிறந்துள்ளேன்.
தற்போது கம்சனிடமிருந்து விடுவிக்க வேண்டிய கடமை எனக்கு உள்ளதால், என்னை கோகுலத்தில் உள்ள, நந்தகோபரின் மனைவி யசோதையிடம் என்னை சேர்த்துவிடுங்கள்.
அதற்கு பதிலாக அவருக்கு பிறந்த பெண் குழந்தையை இங்கு கொண்டுவந்து தன் பிள்ளை என கூறுங்கள்.
அதன் பின்னர் நான் பார்த்துக் கொள்கின்றேன் என கூறிவிட்டு மீண்டும் குழந்தையாக மாறிவிட்டார்.
இப்படி மூன்று முறை அல்ல பலமுறை மஹா விஷ்ணு ஒரே தம்பதிக்கு மகனாக பிறந்துள்ளார் என்றால் அவர்கள் எவ்வளவு பாக்கியம் செய்திருப்பார்கள்.
வாசுதேவருக்கு பிறந்த எட்டாவது குழந்தையை பார்த்து கொண்டிருந்த போது பகவான் சொன்னது போல தானாக திறந்த கொண்டது சிறைச்சாலை கதவுகள்.
மேலும் கட்டிபோட்டு வைக்கப்பட்டிருந்த வாசுதேவனின் கயிறுகள் தானாக விடுவித்துக் கொண்டது.காவலர்கள் அனைவரும் மயக்கம் அடைந்தனர்.
பகவானின் ஆணைப்படி வாசு தேவரும் கிருஷ்ணரை தூக்கி கொண்டு வெளியே வந்தார்.
அப்போது வானில் இடியுடன் கூடிய பேய் மழை பெய்தது.
கிருஷ்ண பகவான் பாதம் தொட்ட யமுனை நதி தன் நெடுநாள் ஆசை தீர்ந்தது என்று தன் வேகத்தை குறைத்து வசுதேவருக்கு வழி விட்டது.
வாசுதேவர் தன் ஆண் குழந்தையை நந்தகோபரிடம் ஒப்படைத்த பின்பு,
krishna idol
Bal Gopal Krishna Click here
நந்தகோபருக்கு அன்று அங்கு பிறந்த பெண் குழந்தையுடன் மீண்டும் சிறைச்சாலைக்கு திரும்பினார் வாசுதேவர்.மீண்டும் சிறைச்சாலை மூடிக்கொண்டது.காவலர்கள் மயக்கம் தெளிந்தனர்
பெண் குழந்தை பிறந்துள்ளது என்று கம்சனிடம் தெரிவித்தனர் காவலர்கள்.
நடந்த நிகழ்வுகள் பற்றி எதுவும் கம்சனுக்கு தெரியவில்லை.
அந்த பெண் குழந்தையை கொல்ல கம்சன் காலை பிடித்த போது,
திடீரென விஷ்ணு மாயாவாக மாறிய அக்குழந்தை
என் காலை பிடித்ததால் உன்னை உயிரோடு விட்டேன். உன்னை கொல்லப்போகும் குழந்தை ஏற்கனவே இந்த பூமியில் பிறந்து விட்டது.
உன்னை கொல்வதற்கான வயதை அது எட்டும் வரை அது யார் என்பதை உன்னால் கண்டு பிடிக்க முடியாது' என கம்சனிடம் கூறியது.
Raj Costume Kids Krishna Brocade Fabric Janmashtami Mythological Character Costume (RJC_Krishna, Yellow, 4-5 Years) Click here
பிறகு கம்சன் அனுப்பிய பல அசுரர்களையும் கிருஷ்ணர் மற்றும் பலராமர் துவம்சம் செய்தனர்
கிருஷ்ண பரமாத்மாவின் ஏழாவது வயதில் கம்ச வதம் நிகழ்ந்தது.
மதுரா துவாரகா போன்ற இடங்களில் இன்றும் கூட பிரம்மாண்டமாக கிருஷ்ண ஜென்மாஷ்டமியை கொண்டாடுவார்கள்.
உங்கள் வீட்டில் கிருஷ்ண விக்ரஹம் இருந்தால் சாளக்கிராம பூஜையுடன் சேர்ந்து அபிஷேகம் செய்து தூபம் தீபம் காட்டி நவல் பழம் வெண்ணெய் முறுக்கு சீடை லட்டு ஜாங்க்ரீ பால் பாயாசம் நிவேதனம் செய்து சாஷ்டாங்கமாக ஒரு நமஸ்காரம் செய்து கிருஷ்ணாஷ்டகம்
விஷ்ணு சஹஸ்ரநாமம் விஷ்ணு சூக்தம் நாராயண சூக்தம் பாராயணம் செய்து ஸ்ரீமத் பாகவதம் படிக்கலாம் அன்று முழுவதும் உபவாசம் இருந்து கிருஷ்ணரை மட்டுமே நினைத்து காலை குளித்து விட்டு மீண்டும் சாளக்கிராம பூஜையுடன் கிருஷ்ண பூஜை செய்தால் வைகுண்டம் அழைத்துச் செல்வார் பரமாத்மா.
ருக்மிணி வல்லபாய தீமஹி
தந்நோ ஸ்ரீகிருஷ்ண ப்ரசோதயாத்.
|| 108 முறை ||
கோகுலாஷ்டமி அன்று விரதமிருந்து வழிபட்டால் சகல செளபாக்யமும் அஷ்ட லஷ்மியின் பரிபூரண அருளும் ஸ்ரீ பார்வதி பரமேஸ்வரனின் அருளும் சேர்ந்து கிடைக்கும்.
இந்த கதை படிப்பவர்கள் பாவம் அகலும் ஸ்ரீகிருஷ்ணரின் அருளால் சகல செளபாக்யமும் இல்லத்தில் நீடிக்கும்.
முக்கியமாக குழந்தை வேண்டி தவம் இருப்பவர்கள் கோகுலாஷ்டமி அன்று விரதமிருந்து வழிபடுங்கள்.
கோகுலாஷ்டமி அன்று யார் உங்கள் வீட்டிற்கு வந்தாலும் கிருஷ்ணராக பாவித்து ராஜ உபசாரம் செய்யுங்கள் மற்றபடி உங்களை அவர் பார்த்து கொள்வார்.
ஜெய் ஸ்ரீராம்
சர்வம் கிருஷ்ணார்பணமஸ்து.
படித்தை பகிர்கிறேன்☺
Our You tube channel https://www.youtube.com/c/A2ZAMUTHAM
Our Facebook https://www.facebook.com/A2ZAMUTHAM
Reference: Books and other web source
If you have any suggestion kindly write comment section.
By Nathan B.com PG Dip in Yoga and Holistic Heath...
